غنوة لغزّة
أحمد فؤاد نجم
في قصيدة الشاعر أحمد فؤاد نجم لـ«الغزاوية» ،عبر عن أسفه للصمت العربي على الحصار »الإسرائيلي» المفروض على قطاع غزة وعلى تجويع الفلسطينيين، وبكلماته البسيطة انتقد الصراع بين فتح وحماس وحضّ الشعب الفلسطيني على الصبر والصمود. كتبت القصيدة في 31 كانون الثاني 2008… وزمن غزة على حاله ثابت غير متحوّل .
شي لله يا الغزاوية
يا وجع الأمة العربية
لا إنتو حماس
ولا عباس
فلسطين..هي القضية
شي لله يا الغزاوية
شي لله وعلى دلعونا
حكمونا ولاد الملعونة
والآخر خانم وباعونا
للنخاس والصهيونية
شي لله يا الغزاوية
شي لله وانتو لوحديكو
الله ينصركو ويهديكو
ويدمّر دولة أعاديكو
والأيام أهي رايحة وجاية
شي لله يا الغزاوية
شي لله ولا عادش رجوع
ويالخاين والجربوع
الأطفال ماتت م الجوع
والعطشان مش لاقي الميّه
شي لله يا الغزاوية
شي لله على أحلى كلام
ناس تصحى
والأمة تنام
يعني قفاك يصبح قدام
يا العربي
وتركب عربية
شي لله يا الغزاوية