حجر صوّان

مين قلّك إنّي حجر صوّان بجبل

ومين قلّك لمّا تجرحني بكلمة

وترجع تراضيني بهمسة وغمزة

رح لين ويدوب قلبي من الخجل

أنا ماني ملاك ولا عم دوّر عالهلاك

ولا تفكّر سهل عليّ بلحظة أنساك

يمكن كون قويّة وعنيدة بموقفي

لكن معروفة بحناني وإخلاصي

وعزّة نفسي وكرامتي مضرب مثل

مين قلّك بالقسوة بتقدر تملكني

ومين قلّك بصدّق بلحظة تتركني

أنا ماني طفلة بأفكاري تَ تلاعبها

وماني ألوان بلوحتك ترسمها

أنا… هيدي أنا واضحة بأفكاري

وبعرف كيف حدّد مساري

وبعيدة كلّ البعد عن التملّق والدجل

قانوني مش صعب عليك تفهمه

وأنت بذكائك بتعرف كيف الله كوّنه

مش بالقسوة حبّك بقلبي تدوّنه

لأن أنا القلب اللّي احتواك

وبالروح قلبك سَكّنه

شوف طبعي وقلبي بالعقل

والحنّية ما أهْيَنا

لا تخلّيني أوصل معك

لحالة اليأس والفشل!

عبير فضّة