كنّا صغاراً وتعلّمنا

لمّا كانت توقع من إيدنا ولو كسرة خبز عَ الأرض، كنّا نشيلها ونبوسها ونتمنّى يغفرلنا الله هالذنب العظيم، لأن الخبز نعمة. وهيك ربينا نحترم النعمة ونحطها عَ راسنا.

كنّا نحسّ برغيف الخبز أكبر نعمة، الفقر بيعلمك تقدير كل شي بيخليك تستمرّ وتكبر و تعيش، بيخليك تحسّ بقيمة الدفا والسقف والابواب والشبابيك وتحسّ بقيمة دفتر المدرسة والقلم.

كبرنا وعرفنا أنه ما في أفقر من اللي ما عندو وطن. وقديش نحن أغنيا لأنه عنّا أرض وجيش ووطن، لازم بكل ثانية من عمرنا نحمد الله ونشكره على هالنعم ونخاف ونحافظ عليها.

الخبز ممكن يخلّينا عايشين بس إنسانيتنا ما بتكمل بلا وطن.

الحمد لله على نعمة الجيش السوري، الحمد لله على نعمة سورية.

وفاء حسن