كمشة فخر
عالضاحية مفروش
كمشة مسك طابو
بطيبة أهل ومفلوش
توب العرس
مَ الليلة خيل وترس
وعرس النصر
ناطر عمامة فجر
ت يكتب كتابو
طفّو الحريقة رموش
من حبّها دابو
ونبض القلب مرشوش
ع قلوب ما غابوا
تحت الردم والنار
شيلو طفالى زغار
بيشيب شعر الموت
وما ختيرو وشابو
عم بغمر الطرقات
عم بحضن ترابات
هيدي أرض وقفات
ما استسلمت.. ما دمّعت
ما توجعت… ما تسرسبت
جيوش وجحافل ركّعت
وحقد انخلع نابو
ومعليش ما الضاحية عندا صبي اسمو الإبا
وراضية عنوّ… والعزّ ميّ بيشربا
وماشي ورا منّو… موكب نصر
وكمشة فخر… معجون بترابو
محمد علّوش