البرد بيلبقلك

بَدِّك تشوفيني بَعِد؟

وْ بِالضَّو؟

تَ تْفِشّي خِلقِك بِالهوا

وِالنِّاس كِلّا عْيون؟

لو بَالعتِم … أحلا

كِنتِ افْتكَرتي الْ لي حلو فيني

عَند التَّعب

وَقت الْلِي كِنتي تُضعَفي

وِتقولي … غَفّيني

عَند الغَلط

لمّا هَجم بَرْد الشِتي

وْ ما قِلتِي … دَفّيني

بتِتذكّري شو صار؟

وْ شو كِنت عَم ضَوّي أنا

« قالولِي عَنَّك من قَبِل

وْ مِن طيبتِي لْحِقتَك أنا

وْ مِن وَقْتها ياما … مْحَفّيني «

شو كِنت عَم بُضحك أنا

لمّا وِصل بَرْد الشِّتا :

هيدا بَعِدما … كِنا متِّفْقين !

يْسَلّم عَلَيِّي … قَبْل مِنِّك

تِزعَلي وْ … تُطلِيعتِك!؟؟؟

«يا ريت تِنْشَقّ الأَرِض

وِبْسِرعَة تِخْفيني !

شو كنت رومانسي أنا

كِنّا انا وِ البَرْد مِتِّفْقين

نَعمُل ضَرِب فيكي …

بَسْ تزعَلي مِن حَرْكتو

وْ حَتّى قَبِل مَا تْفَكّري فيكي

يِركَع على إجرو البَرِد تَا يْطَمِّنك

يَعطيكي مِفتِاحِ الخَلِق وِ يْقول :

«من بينهُنْ كِلُّن

إنتي …

إنتِي الْلِي بسْ مَسموح … إنّو تزهقي

وْ بيجوز تُطفيني !

شِفتي الغَلَط؟

لَيْكي الغلط وَينو …

عا قَدّ مَنّا دَيْنتِك فيها كَسل

عَالقِاعِد بْتِسمَع بَلا …

نُقْطِةْ عَرَق تُطلع مِن جْبينا

عَينِك عَلَيّي رَوْكَبِت

صارِت كَأَن :

(يا رَبّ نَجّينا)

هَوْن الغَلَط

وَقْت الْليِ لِازِم كِان إنِّك تِسمَعي :

فْرَدْتي اللّسِان !!

وْ مِن وَقْتها

مِن وَقْت ما، حَرفِ الألِف

شَكّ بْجَنِب نيسِان !!!

ما عاد في إنسان !!!!!

ورد العبدالله