يللا معي

يا ريت بقدر بدّل الحالة

وحقّق أماني العمر ببالي

وكمّل حياتي وبقوّة سنيني

وليل الشعر والعشق يصفالي

ما في سعادة ولا طمأنينية

وما في ربيع ونور بيلالي

والعمر كلّو وكلّ تكويني

من دون قيمة… والقلب خالي

إلا معاكي دنيتي وديني

ما بينتشوا يا كل أمالي

يللا بقى هونيك لاقيني

مطرح ما غنّى الحبّ موّالي

إنتي خلقتي للعمر زينة

ولو ما تكوني عمرنا بالي

يللا معي ولبعيد ودّيني

هونيك مطرح شردة خيالي

هونيك لا قرية ولا مدينة

وما في حكي ولا ناس قوّالي

إنتي وأنا والحبّ واللينة

والشعر يحكي كل أحوالي

يللا معي ننسى الدني الشينة

ونخلق دني فيها العشق هالة

يا حبّ صار العمر تشريني

ومنّي حبيبي سماع يللا نروح

وغير هيك ما منبدّل الحالة