إلى رجل

لا تقول ما عندي وفا

وبالحبّ ما بحفظ عهود

وبنسى بلحظة جفا

أحلام لِنا ووعود

أنا بترك مساحة للصفا

إن رحت بتقدر لِها تعود

بخاف من حرقة دمعتي

تعمل قهر وصدود

ومن كلمة بلحظة وجع

ترسم ما بيننا حدود

بالحبّ مليانة دفا

وقلبي بربيعك موعود

لا تبخل بلحظة لقا

خلّي اللقا ممدود

لا تجرّب تجرح عزتي

نار أنا وبارود

ولا تجرّب تهزّ الورد

شوك الورد موجود

خلّيك مصدر فرحتي

بهديك عمري وزود