الأمين علي قانصو.. خبزاتك بنهضة سعادة تخمّروا
اعطيني الوحي يا جنوبنا الغالي كتير
يا منبت الأبطال ورجال الضمير
وخلّي خيالي بالقصيدة ينجلي
المأتم كبير كتير والراحل كبير
حبّيت سيدنا علي
ع المرجلة ع البلاغة
وما حدا قدّه أمير
واليوم ع أرضك يا سيدنا علي
خسرنا أبو واجب العامل واجبه
وجاي شعب لبنان يبكي ع الوزير
واليوم يا أبو واجب العاطي الثمَر
بدنا حكومة الشعب فيها ينغمَر
وتكون شجرة جامعة كل الغصون
وبالعدالة تأمر وما تنأمَر
فيها عمر ع زيد بالرّقّة يمون
ولا يقول بده زيد أكثر من عُمَر
بيصعب علينا بهالزمان المش حنون
نشكل وزارة وإنت فيها ما تكون
متل ال كأنه الليل خالي من القمر
يا ما لقيت قصور بخيال الشجر
خبزاتهم لا تخمّروا ولا تقمّروا
وإنت الوزير اللي ضميرك ما أنأجر
خبزاتك بنهضة سعادة تخمّروا
من بيت فقر الطهر منه هَدَر
عمّر المجد اللي ما حدا بيدمّره
على الحيط كل إنسان بيعمّر حجر
بس المجد بده رجال تعمّروا
لا طائفية عرفتك ولا تفرقة
ولا كنت تفرق بين غصن وبين طير
ولا فرقت مرة زنبقة عن زنبقة
ولا بين جامع للرسول وبين دير
نهضة سعاده رح تظلّ محلقة
من بطل قومي من ضهور الشوير
وتاني بطل من هون من هالمنطقة
اسمه علي قانصو الي طلّ من الدوير
فتحتْ عينك ع سعاده اللي سلك
ع درب نهضة كلنا منعزّها
ومهما التعصب للوطن جاب الهلك
بتضلّ نهضة وما حدا بيهزّها
وهلق يا أبو واجب يا عالي منزلك
من واجب الأمة تا تبقى بعزّها
بوقفة سعاده الخالدة تبني إلك
تمثال واقف مثل وقفة عزّها
يا إبن أغلى مقاومة كلّلتها
وحبّيتها وفكرك بسيدها اغتنى
يا إبن أغلى مقاومة حبيتها
يا إبن أغلى مقاومة
كلّلتها وحبيتها وفكرك بسيّدها اغتنى
وبريشتك أرض الجنوب رسمتها ساحة رجال
وكل هالساحة لنا
وأهل المبادي على الوفا علمتها
ولمّا ع جسمك بلش يطلّ الفنا
روحك لرب الكون ما سلّمتها
إلا لتحيا سورية بعدي أنا
حبّيتني وحبيتك بذات الشعور
والورد شربك عطر تا فيك ارتوى
عزّيت واجب والقمر فادي الغيور
وجيشي ومقاوم حلّقوا بذات القوى
وهلق قبل ما يذبلوا عليك الزهور
حاكي سعاده الي كان للأمة دوا
وقله تا يرجع للوطن كل السرور
ما زال مش عم يجمعونا هالقصور
بعرزالك القومي تاع اجمعنا سوا.
