نقطة عَ السطر
«خيي يعني أنت ما بتحب السياسة؟ لك ايه طبعاً بحب السياسة.. طيب والقانون الدولي شو رأيك فيه؟ يعني متل لغتي الفرنساوي… بلطش تلطيش فيه… طيب والاتفاقيات والتسويات والمؤتمرات ما بتّابعها؟ يعني بدك تقول… إذا صدف وتفركشت فيها… يا عمي أمرك عجيب، ما بدك تعرف لوين رايح هالبلد؟ ليش أيمتى قطع تذكرة سفر… يا خيي بقصد بالسياااسة… بالسياسة… آه إيه بالسياسة…
هلأ خليني أنا أسألك… بتحب الفن؟ إيه طبعاً مين ما بحب الفن… طيب بتفهم بالرسم؟ يعني شوي… بخلص حالي فيه… طيب بتعرف أدوات الرسم؟ لك إيه يا زلمي ولوو… أوراق أو قماش، وفرشايات وألوان وشوية مي… طيب بتعرف كيف بيرسموا خريطة؟ لك شو هالسؤال، إيه طبقها على مربّعات وحدّد المقياس وبقلم الرصاص بتبلّش ترسم الحدود و… لا خيي طول بالك… أنا اليوم رح عرّفك على أسلوب جديد بالرسم، وأدوات جديدة وتحديداً لرسم الخرائط… والله!! إيه كتير حلو منكم نستفيد هات لشوف… الحذاء… شو تفضلت؟ لك غيه إيه متل ما عم خبرك… الجزمة… البوط العسكري… أحذية الجيش العربي السوري والمقاومة هيي يلي بترسم… مش بس خارطة سورية… خارطة العالم…
خيي.. بلا سياسة بلا بطيخ… ونقطة ع السطر…
منى عبد الكريم