صدفة
صدفة
صدفة جمعتنا
وما كان طالع
عَ بالي الحكي
هَمَسلي كلمتين
ومن دفا صوته
فرطت عيوني بالبكي
يمكن جوّا قلبي
خبّيت هالوجع
أيّام وسنين
وما عوّدت هالقلب
لغير الله يشتكي
عوّدت حالي عالبرد
وزرعت شتلات الورد
تا لمّا يجي العيد
وألتقيك عالوعد أكيد
قلّك:
دخيلك كلماتك عيد
تا حسّ بدفا همسك
وإنسى البرد
من لمسك
واتعوّد عليك وعّ حسّك
ما بدّي لما تلاقيني
وتحاكيني
ضلّ خجلانة منّك
ومن حكيك ملبّكي!
عبير فضة